پاکستان کے ایک اور علاقے سے گیس کا بڑا ذخیرہ دریافت قوم کو بڑی خوشخبری سنا دی گئی

اسلام آباد (این این آئی)پاکستان پٹرولیم لمیٹڈ نے کہا ہے کہ اس نے سندھ کے ضلع سجاول میں 3400 میٹر گہرائی میں گیس کا نیا ذخیرہ دریافت کیا ہے۔پی پی ایل کے مطابق سجاول کے اس گیس کے کنویں سے تقریباً 90لاکھ مکعب فٹ یومیہ گیس نکلنے کا تخمینہ لگایا گیا ہے۔واضح رہے کہ گزشتہ روز بھی پاکستان پٹرولیم لمیٹڈ کا اعلان سامنے آیا تھا کہ اس نے سندھ کے ضلع سانگھڑ میں تیل وگیس کے بڑا ذخیرہ دریافت کیا ہے۔پی پی ایل کا اس حوالے سے کہنا تھاکہسانگھر میں ملنے والا گیس کا نیا ذخیرہ سندھ میں واقع گمبٹ سائوتھ بلاک(2568-18) کے دریافتی کنوئیں ہدف X-1 (ST)سے ملا ہے۔گزشتہ روز پاکستان پیٹرولیم لمیٹڈ (پی پی ایل ) نے اپنے شراکت داروں گورنمنٹ ہولڈنگز (پرائیویٹ) لمیٹڈ (جی ایچ پی ایل) اور ایشیاء ریسورسز آئل لمیٹڈ (اے آر او ایل) کے ساتھ مل کر ضلع سانگھڑ، صوبہ سند ھ میں واقع گمبٹ سائوتھ بلاک (2568-18) کے دریافتی کنوئیں ہدف X-1 (ST)سے گیس اور کنڈنسیٹ کی دریافت کا اعلان کیا تھا۔