لاہور(نیوز ڈیسک )انسداد دہشتگردی فورس نے بہاولپور میں خفیہ اطلاع پر کامیاب کارروائی کے دوران کالعدم تنظیم کے دو دہشتگردوں کو گرفتار کر لیا ۔ذرائع کے مطابق سی ٹی ڈی نے خفیہ اطلاع پر کامیاب کارروائی کرتے ہوئے جھنگی والا بائی پاس روڈ سے کالعدم تنظیم سے تعلق رکھنے والے دودہشت گردوں

کو گرفتار کر کے ان کے قبضے سے بارودی مواد برآمد کر لیا ۔ گرفتار دہشتگردوں کی شناخت ناصر محمود اور آفتاب احمد کے نام سے ہوئی ہے۔ذرائع کے مطابق گرفتار دہشتگرد بہاولپور میں حساس تنصیبات کو ہدف بنانا چاہتے تھے ۔دونوں کومزید تحقیقات کے لئے نا معلوم مقام پر منتقل کر دیا گیا ہے۔

موضوعات:انسداد دہشتگردی فورس دہشتگرد گرفتار