کراچی(سی پی پی)رہنما ایم کیو ایم فاروق ستار نے کہاہے کہ مدت جتنی بھی ہو اگلا دور ڈونکی کنگ کاہے، کھوتا ملک کو اچھا چلا سکتا ہے۔سٹی کورٹ کراچی میں پیشی کے موقع پر میڈیا سے بات کرتے ہوئے رنما ایم کیو ایم فاورق ستار نے کہا کہ جعلی بینک اکاونٹس سے پیسے نکل رہے ہیں، اسی لیے کہتے ہیں کہ اللہ جب دیتا ہے چھپڑ پھاڑ کے دیتا ہے۔فاروق ستار نے کہا کہ عام شہری ملکی معیشت میں اپنا حصہ ڈالنے کے قابل نہیں رہا، ڈالر کی اڑان قابو میں نہیں آرہی، جبکہ گیس کے نرخ آسمان پر چلے
گئے ہیں۔فاروق ستارنے کہا کہ دوبڑی جماعتوں نے قوم کومایوس کیا ہے جبکہ تیسری بڑی جماعت بھی قوم کومایوسی کی دلدل میں لیجارہی ہے، لگتاہے چینل سے کہنا ہوگا وہ ڈانکی کنگ ادھار پر دے شاید وہ ملک کو بہتر چلا سکتا ہے۔