کراچی (این این آئی) کراچی کے علاقے گزری کے سرکاری اسکول سے قومی اسمبلی کے حلقہ این اے 247 اور صوبائی اسمبلی کے حلقہ پی ایس 111 کے سیکڑوں بیلٹ پیرز برآمد ہوئے ہیں۔تفصیلات کے مطابق کراچی سے بیلٹ پیپرز ملنے کا ایک اور واقعہ سامنے آیا ہے۔ گزری کے علاقے میں سرکاری اسکول سے سیکڑوں بیلٹ پیپرز برآمد ہوئے ہیں۔

یہ بیلٹ پیپرز قومی اسمبلی کے حلقہ این اے 247 اور صوبائی اسمبلی کے حلقہ پی ایس 111 کے ہیں۔این اے 247 پر پی ٹی آئی کے عارف علوی جبکہ پی ایس 111 پر عمران اسماعیل کامیاب ہوئے تھے۔ پی پی پی رہنما بیرسٹر مرتضی وہاب کے مطابق بیلٹ پیپرز پر تیر کے نشان پر مہر لگی ہوئی ہے، کیا یہی آزاد اور شفاف انتخابات ہیں۔پی پی پی رہنما سعید غنی بھی گزری کے اسکول پہنچ گئے۔ اس موقع پر انہوں نے کہا کہ اسکول سے ملنے والے بیلٹ پیپرز کی تعداد 154 ہے جن میں سے 118 پر تیر کے نشان پر مہر لگی ہوئی ہے، جبکہ ایک بھی بیلٹ پیپر پر بلے کے نشان پر مہر نہیں۔انہوں نے کہا کہ اسکول کھلنے کے بعد بیلٹ پیپر ملے ،اس طرح بیلٹ پیپرز ملنا تشویشناک ہے جبکہ کئی بیلٹ پیپرز پر دیگر سیاسی جماعتوں کے امیدواروں کو بھی ووٹ دئیے گئے ہیں۔بلاول بھٹوزرداری کے میڈیا کنسلٹنٹ عمر قریشی نے کہاکہ این اے 247 گزری میں سرکاری اسکول سے بیلٹ پیپرزملے ہیں بیلٹ پیپرزپر تیر کے نشان پر ٹھپہ لگا ہوا ہے ۔واضح رہے کہ چند روز پہلے بھی قیوم آباد کے علاقے میں کچرا کنڈی سے بیلٹ پیپرز برآمد ہوئے تھے جنہیں آگ لگائی گئی تھی۔  کراچی کے علاقے گزری کے سرکاری اسکول سے قومی اسمبلی کے حلقہ این اے 247 اور صوبائی اسمبلی کے حلقہ پی ایس 111 کے سیکڑوں بیلٹ پیرز برآمد ہوئے ہیں۔تفصیلات کے مطابق کراچی سے بیلٹ پیپرز ملنے کا ایک اور واقعہ سامنے آیا ہے۔ گزری کے علاقے میں سرکاری اسکول سے سیکڑوں بیلٹ پیپرز برآمد ہوئے ہیں۔

موضوعات:بیلٹ پیپرز برآمد