اسلام آباد (آئی این پی ) پاکستان تحریک انساف کے مرکزی سیکرٹری اطلاعات و ترجمان فواد چوہدری نے کہا ہے کہ چیئرمین تحریک انصاف عمران خان نے وزیر اعظم کیلئے تقریب حلف برداری نہایت سادگی سے منعقد کرنے کی ہدایت کی ہے، چیئرمین تحریک انصاف ایوان صدر میں سادگی سے منعقد ہونے والی تقریب میں وزارت عظمی کا حلف اٹھائیں گے، فواد چوہدری نے کہا تقریب حلف برادری

میں بیرونی شخصیات کو مدعو نہ کرنے کا فیصلہ کیا ہے، تقریب حلف برداری مکمل طور پر ایک قومی تقریب ہوگی، اس سے کسی قسم کے تعیش یا تکلف کا اظہار نہیں کیا جائے گا، انہوں نے کہا چیئرمین تحریک انصاف کے چند ذاتی دوستوں کو بیرون ملک سے تقریب میں شرکت کے لئے مدعو کیا جائے گا ان کے علاوہ بیرون ملک سے کسی کو بھی بیرونی شخصیت کو دعوت نہیں دی جائے گی۔

موضوعات:تقریب حلف برداری فواد چوہدری