راولپنڈی (مانیٹرنگ ڈیسک ) اڈیالہ جیل میں کسی قسم کے خاص انتظامات نہیں کئے جا رہے، میاں نواز شریف اور دیگر شریک ملزمان کی جیل آمد کی صورت میں انھیں عام قیدیوں کی طرح رکھا جائے گا، اڈیالہ جیل سپرنٹنڈنٹ میدان میں آگئے۔ تفصیلات کے مطابق ایون فیلڈ ریفرنس میں سابق وزیراعظم نواز شریف ان کی صاحبزادی مریم نواز اور داماد کیپٹن صفدر کو بامشقت قید کی سزا سنائے جانے کے بعد اطلاعات تھیں کہ

اڈیالہ جیل میں خاص انتظامات شروع کر دئیے گئے ہیں جس پر اڈیالہ جیل کے سپرنٹنڈنٹ سعید اللہ میدان میں آگئے ہیں اور اس حوالے سے ان کا کہنا ہے کہاڈیالہ جیل میں کسی قسم کے خاص انتظامات نہیں کئے جا رہے، میاں نواز شریف اور دیگر شریک ملزمان کی جیل آمد کی صورت میں انھیں عام قیدیوں کی طرح رکھا جائے گا جبکہ جیل میں صفائی سمیت دیگر انتظامات پہلے سے بہت بہتر ہیں، روزانہ کی بنیاد پر صفائی کی جاتی ہے۔

موضوعات:اڈیالہ جیل جیل سپرنٹنڈنٹ