اسلام آباد (نیوز ڈیسک) بھارت کے ایٹمی دھماکوں کے جواب میں پاکستان کے ایٹمی دھماکے کرنے کا سب سے پہلے مشورہ کس نے دیا اس بات کا انکشاف سابق وزیراعظم میاں محمد نواز شریف نے پنجاب ہاؤس میں پریس کانفرنس سے خطاب کرتے ہوئے کیا، انہوں نے کہا کہ جب بھارت نے 11 مئی 1998ء کو ایٹمی دھماکے کیے تو میں اس وقت قازقستان کے دارالحکومت الماتی میں موجود تھا اور

جب صبح یہ اطلاع ملی تو مشاہد حسین سید جو اس وقت کے وزیر اطلاعات تھے میرے ساتھ موجود تھے، مشاہد حسین سید نے سب سے پہلے مجھے یہ مشورہ دیا کہ ہمیں بھارت کے ایٹمی دھماکوں کا جواب دینے میں دیر نہیں کرنی چاہیے اور اینٹ کا جواب پتھر سے دینا چاہیے، میاں نواز شریف نے کہا کہ جس پر میں مشاہد حسین سید کو شاباش دیتا ہوں، انہوں نے بہت اچھا مشورہ دیا تھا۔

موضوعات:میاں محمد نواز شریف