لاہور(نیو زڈیسک)وفاقی وزیر احسن اقبال پر قاتلانہ حملہ کرنے والے کا ایک اور ساتھی گرفتار ! پولیس ذرائع کے مطابق ملزم عظیم ، عابد حسین کو موٹر سائیکل پر جلسہ گاہ تک چھوڑ کر آیا تھا ۔ واقعے کے بعد عظیم موقعے پر فرار ہو گیا تھا ، گرفتار ملزم عظیم منظور پورہ کا رہائشی ہے ۔ تاہم اس سے قبل ملزم عابد نے اعتراف کیا ہے کہ وفاقی وزیر پر حملہ میرا ذاتی فیصلہ تھا اور اس میں کوئی دوسرا شخص شامل نہیں ہے ۔

دوسری جانب گزشتہ شب وفاقی وزیر داخلہ احسن اقبال پر عابد نامی شخص نے قاتلانہ حملہ کیا ۔ گولی وفاقی وزیر کے گندھے پر لگی جس سے وہ شدید زخمی حالت میں ہسپتال لائے گئے جہاں ان کا علاج کیا جارہا ہے ۔تاہم قومی اخبار کی ایک رپورٹ کے مطابق حملے سے ٹھیک پانچ دن قبل خفیہ اداروں نے وفاقی وزیر احسن اقبال کو الرٹ جاری کر دیا تھا کہ آپ تقریب اور جلسوں میں نہ جائیں آپ پر حملہ ہو سکتا ہے ۔ احسن اقبال پر حملے کے بعد دیگر سیاسی رہنمائوں کو بھی حملہ کا الرٹ جاری کر دیا گیا۔ ذرائع کے مطابق احسن اقبال پر حملے سے قبل شہباز شریف ، عمران خان ، نواز شریف ، حمزہ شہباز ، بلاول بھٹو ، شاہ محمود قریشی ، اسفند یارولی سمیت ایم کیوایم اور پی ایس پی و دیگر جماعتوں کے قائدین کو خفیہ اداروں نے حملوں سے متعلق رپورٹ جاری کی تھی ۔

موضوعات:قاتلانہ حملہ ملزم عابد ملزم عظیم وفاقی وزیر احسن اقبال