لاہور(مانیٹرنگ ڈیسک) پاکستان پیپلز پارٹی طویل عرصے کے بعد آج پانچ فروری کو موچی گیٹ میں سیاسی طاقت کا مظاہرہ کرے گی ۔ جلسے سے سابق صدر مملکت و پیپلزپارٹی پارلیمنٹرینز کے سربراہ آصف علی زرداری اور دیگر مرکزی قائدین خطاب کریں گے۔ پنڈال میں ذوالفقا رعلی بھٹو شہید اور محترمہ بینظیر بھٹو شہید سمیت آصف علی زرداری ، بلاول بھٹو اور دیگر رہنماؤں کی تصاویر والے بینرز اور ہورڈنگز لگائے گئے ہیں ۔

پنڈال میں آصف علی زرداری کا گرز اٹھائے ہوئے پہلوان کے روپ میں جہازی سائز ہورڈنگ بھی لگایا گیا ہے ۔ پیپلز پارٹی پنجاب کے صدر قمر زمان کائرہ، لاہور کے صدر عزیز الرحمن چن، ویمن ونگ کی صدر ثمینہ خالد گھرکی سمیت دیگر رہنماؤں نے پنڈال کا دورہ کر کے انتظامات کا جائزہ لیا جبکہ آصف علی زرداری کی پرائیویٹ سکیورٹی نے بھی جلسہ گاہ کا دورہ کیا ۔بتایا گیا ہے کہ لاہور کے علاوہ قریبی اضلاع سے بھی پیپلز پارٹی کے رہنما کارکنوں کے ہمراہ جلسے میں شریک ہوں گے۔ علاوہ ازیں ڈی آئی جی آپریشنز ڈاکٹر حیدر اشرف ، ڈپٹی کمشنر لاہور سمیر احمد سعید اور سٹی ٹریفک پولیس آفیسر رائے اعجاز نے بھی موچی دروازہ جلسہ گاہ کا دورہ کر سکیورٹی سمیت دیگر انتظامات کا جائزہ لیا ۔ ڈاکٹر حیدر اشرف کے مطابق جلسے کی سکیورٹی کیلئے پانچ ہزار سے زائد پولیس اہلکار تعینات ہوں گے جبکہ شرکاء کو چار مقامات پر جامع تلاشی کے بعد پنڈال میں داخل ہونے کی اجازت ہو گی ۔ سمیر احمد سید نے کہا کہ پیپلزپارٹی کے ذمہ داران کو ضابطہ اخلاق ارسال کر دیا گیا ہے جس میں تقاریر میں قومی سلامتی کے اداروں اور عدلیہ کے خلاف تقاریر کی اجازت نہیں ہو گی اور یہ ایک طے شدہ ضابطہ اخلاق ہے جو سب کو ارسال کیا جاتا ہے ۔  پیپلز پارٹی طویل عرصے کے بعد آج پانچ فروری کو موچی گیٹ میں سیاسی طاقت کا مظاہرہ کرے گی ۔ جلسے سے سابق صدر مملکت و پیپلزپارٹی پارلیمنٹرینز کے سربراہ آصف علی زرداری اور دیگر مرکزی قائدین خطاب کریں گے۔

موضوعات:آصف علی زرداری