اسلام آباد (مانیٹرنگ ڈیسک) وفاقی دارالحکومت کے گیسٹ ہاؤس سے ڈاکٹر اور لڑکی کی لاشیں ملی ہیں۔میڈیا رپورٹ کے مطابق وفاقی دارالحکومت میں تھانہ شالیمار کی حدود میں واقع گیسٹ ہاؤس سے دو افراد کی لاشیں ملی ہیں پولیس کے مطابق اطلاع ملنے پر جب کمرے کا دروازہ

کھولا گیا تو اندر سے بدبو آرہی تھی،لاشوں کو ایمبولنس کے ذریعے پمز ہسپتال منتقل کردیا گیا جبکہ کمرے سے ابتدائی شواہد اکٹھے کرکے مہمان خانے کی انتظامیہ سے پوچھ گچھ اور ان کے بیانات ریکارڈ کر لیے گئے۔پولیس کے مطابق لاشوں کی شناخت ہوگئی ہے جس میں مرد کا نام رانا آفتاب ہے جو آنکھوں کے معروف ڈاکٹر اور اسلام آباد کے مختلف ہسپتالوں میں امراضِ چشم کے ماہر کے طور پر کام کرتے تھے جبکہ لڑکی کا نام زوبدہ ہے جس کا تعلق گولڑہ سے ہے۔بعدازاں پمزہسپتال میں لاشوں کا پوسٹمارٹم مکمل کرلیا گیا ۔پمز میڈیکو لیگل آفیسر ڈاکٹر نسرین بٹ کے مطابق پوسٹمارٹم رپورٹ میں دونوں کے معدے میں شراب کی کثیرمقدار پائی گئی، اس کے ساتھ ساتھ معدے میں مقوی گولیوں کی بڑی مقدار بھی پائی گئی ہے جبکہ دونوں کے معدے میں گیس کی کچھ مقدار بھی پائی گئی ہے ٗ دونوں کے معدے سے نمونے لے کر لاہور لیبارٹری بھجوادئیے گئے۔  کمرے سے ابتدائی شواہد اکٹھے کرکے مہمان خانے کی انتظامیہ سے پوچھ گچھ اور ان کے بیانات ریکارڈ کر لیے گئے۔ مرد کا نام رانا آفتاب ہے جو آنکھوں کے معروف ڈاکٹر اور اسلام آباد کے مختلف ہسپتالوں میں امراضِ چشم کے ماہر کے طور پر کام کرتے تھے

موضوعات:پوسٹ مارٹم رپورٹ