فیصل آباد(آن لائن) مسلم لیگ ن کے قائد میاں محمد نواز شریف کی جانب سے عوامی رابطہ مہم شروع کرنے ‘ پہلا جلسہ ابیٹ آباد اور دوسرا جلسہ عام فیصل آباد میں ہوگا ،صوبائی وزیر قانون رانا ثناء اللہ خاں اور چوہدری شیر علی کے دومیان پارٹی میں اختلافات ختم کرنے اور پارٹی کو بھر پور طریقہ سے متحرک کرنے کے اعلان سے فیصل آباد کے ن لیگی کارکنوں میں خوشی کی لہر دوڑ گئی ہے

اور کارکنوں نے اپنے قائد کے اس فیصلے کو بھر پور طریقہ سے خوش آمدید کہا ہے مسلم لیگ ن کے مقامی رہنماؤں کا کہنا ہے کہ میاں محمدنواز شریف کا عوامی رابطہ مہم شروع کرنیکا فیصلہ انتہائی اہم اور خوش آئند ہے اس سے پارٹی کارکنوں کو بھر پور تقویت ملے گی اور ان کے جوش و خروش میں اضافہ ہوگا‘مسلم لیگ ن کے زرئع کا کہنا ہے کہ ایبٹ آباد جلسے کے بعد میاں محمد نواز شریف فیصل آباد میں بھی جلسے کااعلان کریں کیونکہ فیصل آباد مسلم لیگ (ن) کا گڑھ ہے اور یہاں سے ہمیشہ مسلم لیگ (ن) نے کامیابی حاصل کی ہے ‘کارکنوں کا کہناہے کہ میاں محمدنواز شریف کے خود میدان آنے سے پارٹی اختلافات ختم اور کارکنوں کو متحرک کرنے میں مدد ملے گی ‘فیصل آباد میں مسلم لیگ (ن) کو متحرک کرنے کیلئے چوہدری شیر علی سے زیادہ موزوں کو ئی شخص نہیں ہے کیونکہ فیصل آباد کے کارکن صرف چوہدری شیر علی پر ہی اعتماد کااظہار کرتے ہیں ‘فیصل آباد میں ایم این ایز اور ایم پی ایز تو بہت سے ہیں لیکن لیڈر صرف چوہدری شیر علی ہے کیونکہ کارکن ان سے پیار کرتے اور ان پر اعتماد کااظہار کرتے ہیں ‘کارکنوں نے مطالبہ کیا ہے کہ مسلم لیگ(ن) کو دوبارہ متحرک کرنے کیلئے چوہدری شیر علی کو ذمہ دار یاں سونپی جائیں

موضوعات:نواز شریف