اسلام آباد (آئی این پی +مانیٹرنگ ڈیسک) پاکستان تحریک انصاف کے ترجمان فواد چوہدری نے کہا ہے کہ عائشہ گلالئی کو جو گلہ شکوہ ہے اس کی تفصیلات نہیں معلوم‘ پتہ چلے گا تو کچھ فیصلہ کرینگے‘ ان کو چاہئے پہلے قومی اسمبلی کی نشست سے استعفیٰ دیں۔منگل کو نجی ٹی وی سے گفتگو کرتے ہوئے فواد چوہدری نے کہا کہ جیسا ماحول پی ٹی آئی میں ہےویسا کسی اور سیاسی جماعت میں نہیں ہے۔ عائشہ گلالئی کو جو گلہ شکوہ ہے اس کی تفصیلات نہیں معلوم

پی ٹی آئی کے جلسوں میں ہزاروں خواتین ہوتی ہیں ۔ راتوں رات ان کو کیا گلہ ہوگیا یہ تو ان سے پوچھنا پڑے گا۔ ناز بلوچ اور عائشہ گلالئی خواتین کی مخصوص نشستوں پر ہمارے ووٹوں کے ذریعے قومی اسبلی میں آئی تھیں فواد چوہدری نے کہا کہ اگر عائشہ پی ٹی آئی چھوڑنا چاہتی ہیں ان کو چاہئے پہلے قومی اسمبلی کی نشست سے استعفیٰ دیں۔ یہ کہنا کہ پارٹی میں احترام نہیں کیا جاتا ب ہت جنرل بیان ہے پتہ تو چلے کہ کیا ہوا ہے کیا نہیں ہوا اس کے بعد ہی کچھ فیصلہ کرینگے۔

موضوعات:چیرمین تحریک انصاف عمران خان عائشہ گلالئی عمران خان