اسلام آباد (آئی این پی)پانامہ کیس کی تحقیقات کرنیوالی مشترکہ تحقیقاتی ٹیم ( جے آئی ٹی) کے سیکرٹریٹ کے عملے نے وفاقی جوڈیشل اکیڈمی سے سامان منتقل کرنا شروع کر دیا ۔ عدالت کی طرف سے جوڈیشل اکیڈمی خالی کرنے کے لئے 10 دن دیئے گئے ہیں تاہم واجد ضیاء کو ایک ہفتے میں تمام سامان منتقل کرنے کی ہدایت کر رکھی ہے ۔

منگل کو ایڈیشنل ڈائریکٹر جنرل ایف آئی اے واجد ضیاء کی ہدایت پر پانامہ کیس کی تحقیقات کے لئے قائم جے آئی ٹی کے سیکرٹریٹ سے سامان کی منتقلی کا کام شروع کردیا گیا ہے ۔ واجد ضیاء نے ایک ہفتے کے اندر جوڈیشل اکیڈیمی خالی کرنے کا کہا ہے ۔ جے آئی ٹی سیکرٹریٹ میں کچھ ایسی دستاویزات ہیں جو وہاں سے منتقل کی جا رہی ہیں ۔ ذرائع کے مطابق سامان کی منتقلی تک جوڈیشل اکیڈیمی سیکیورٹی سخت رہے گی

موضوعات:جے آئی ٹی واجد ضیاء