اسلام آباد(مانیٹرنگ ڈیسک)پاناما کیس میں قطری شہزادے کے بعد ایک اور عربی کی دبنگ انٹری کرادی۔متحدہ عرب امارات کے شہری عبدالرحمان محمد عبداللہ کا بیان حلفی سپریم کورٹ میں جمع کرادیا گیا۔ انہوں نے میاں شریف سے سٹیل ملز خریدنے کا اعتراف کیا ہے۔ایک نجی ٹی وی کے مطابق پاناما کیس میں قطری شہزادے خط کے بعد ایک اور عربی کی انٹری ہوگئی۔

متحدہ عرب امارات کے شہری عبدالرحمان محمد عبداللہ کا بیان حلفی سپریم کورٹ میں جمع کرادیا گیا، جس میں میاں شریف سے سٹیل ملز خریدنے کا اعتراف کیا گیا ہے۔بیان کے مطابق عبدالرحمان کا کہنا ہے کہ گلف سٹیل ملز میاں شریف سے چودہ اپریل 1980 کو میں نے خریدی تھی، رقم میاں شریف کو ادا کی تھی۔بیان میں بتایا گیا ہے کہ گلف سٹیل ملز کے عوض 33 ملین درہم سے زائد رقم ادا کی تھی۔

موضوعات:پاناما کیس