اسلام آباد (این این آئی)معروف گلوکار جواد احمد نے کہا ہے کہ جنید جمشید نے مجھے بہت کچھ سکھایا تھا،انہوں نے کبھی کسی سے مکر نہیں کیا،وہ بہت بڑے دل کے آدمی تھے۔میڈیا سے گفتگو کرتے ہوئے انہوں نے کہاکہ مجھے اس حادثے کی خبرکابالکل یقین نہیں آرہا،میری جب بھی ان سے ملاقات ہوتی تھی تو وہ بہت اچھے طریقے سے ملتے تھے ۔ ان کا دل بہت صاف تھا،وہ لوگوں کے ساتھ بڑا پیارکرتے تھے اوران کے دل میں نئے آنے والوں کیلئے بہت شفقت تھی۔انہوں نے کہا کہ جنید جمشید کے ساتھ میرا آخری شو امریکہ میں ہوا تھا ،اس شوکے بعد انہوں نے دینی تبلیغ جوائن کرلی تھی۔