لاہور(آئی این پی) پیپلزپارٹی کے رہنما اور سینیٹ میں قائد حزب اختلاف سینیٹر چوہدری اعتزازاحسن نے کہا ہے کہ (ن) لیگی حکمران کمیشن مافیا بن چکے ہیں ‘(ن) لیگ قطر‘ترکی اور مودی کے حکمرانوں سے دوستی ملک نہیں ذاتی مفادات کیلئے کرتے ہیں جمہو ریت ہماری سیاست اور شہادت ہماری منز ل ہے مگر یہ نہیں ہوسکتا کہ شہادتیں پیپلزپارٹی دیں اور لڈو رائے ونڈ والے کھائے‘ (ن) لیگ نے ایل این جی ‘نندی پور ‘میٹرو جیسے منصوبوں میں بڑا بڑا’’ٹانکہ ‘‘لگایا ہے ‘نوازشر یف کو بتانا ہوگا کہ انکے پاس پیسہ کہاں سے آیا ہے ؟

پانامہ لیکس کا حکمرانوں کا حساب دینا پڑ یگا ‘نوازشر یف آج بھی پاکستان میں جاسوسی کر نیوالے بھارت کے حاضر سروس کرنل کا نام زبان پرنہیں لاتے انکی زبان کو لکنت پڑ جاتی ہے ‘نوازشر یف بھارتی جاسوس کا نام لیں میں50ہزار بلائنڈ ایسوسی ایشن کو دوں گا ۔ بلاول ہاؤس لاہور میں تقریب سے خطاب کرتے ہوئے پیپلزپارٹی کے سینیٹر چوہدری اعتزازاحسن نے کہا ہے کہ (ن) لیگ میٹر و جیسے بڑ ے بڑے منصوبے اس لئے بناتی کیونکہ انکو ایسے منصوبوں سے بڑ اکمیشن ملتا ہے (ن) لیگ کے ترکی اور قطرجیسے ممالک کے حکمرانوں کے ساتھ ذاتی تعلقات ملک اور قوم کیلئے نہیں ذاتی مفادات کیلئے ہوتے ہیں کبھی (ن) لیگ کو بچانے لبنان کا امیر ترین وزیر اعظم آتا ہے تو آج پانامہ کے معاملے میں قطر ی شہزادہ انکی مدد کو آگیا ہے ۔

انہوں نے کہا کہ (ن) لیگ پنجاب میں 32سال سے حکمرانی کر رہی ہے مگر آج ہسپتال اور عوام کی صحت کی سہولتوں کی صورتحال پوری قوم کے سامنے ہے ۔ اعتزاز احسن کے جمہو ریت ہماری سیاست اور شہادت ہماری منز ل ہے مگر یہ نہیں ہوسکتا کہ شہادتیں پیپلزپارٹی دیں اور لڈو رائے ونڈ والے کھائے ۔ انہوں نے کہا کہ پیپلزپارٹی بلاول بھٹو کی قیادت میں متحد ہے اور ملکی تقدیر بدلیں گے ۔

موضوعات:اعتزازاحسن پیپلزپارٹی نوازشر یف