پشاور(این این آئی)خیبرپختونخواحکومت آج پاک چین اقتصادی رہداری منصوبے میں مغربی روٹ کے حوالے سے پشاورہائی کورٹ میں رٹ دائر کریگی۔ذرائع کے مطابق رٹ پٹیشن سپیکر صوبائی اسمبلی اسدقیصر ،ترجمان صوبائی حکومت مشتاق غنی اوراسمبلی میں موجود پارلیمانی لیڈر کی جانب سے پیر کے روزپشاورہائی کورٹ میں جمع کرائی جائیگی،

دائررٹ میں موقف اختیارکیاگیا ہے کہ پاک چین اقتصادی راہداری منصوبے میں مغربی روٹ ہے کہ نہیں اس حوالے سے وفاق سے وضاحت کریں اورصوبے کومطمئن کرکے اپنا حق دی دیاجائے ،ترجمان خیبرپختونخواحکومت مشتاق غنی کے مطابق قومی اہمیت کے اس منصوبے میں خیبرپختونخوا کونظرانداز کیاجارہا ہے جس کے خلاف عدالت عالیہ سے رجوع کرنے کافیصلہ کیا ہے تاکہ صوبے کواپنا آئینی حق مل سکیں۔

موضوعات:خیبرپختونخواحکومت سی پیک