پشاور(این این آئی)پشاور ہائی کورٹ نے توہین عدالت کیس میں خیبرپختونخوا کے وزیرمال علی امین گنڈا پور کے ناقابل ضمانت وارنٹ گرفتاری جاری کردیئے ۔پشاور ہائی کورٹ کے چیف جسٹس مظہرمیاخیل پر مشتمل بنچ نے کیس کی سماعت کی ۔ عدالت عالیہ نے علی امین گنڈا پور اور انکے وکیل کے پیش نہ ہونے پر برہمی کا اظہار کرتے ہوئے صوبائی وزیرمال علی امین گنڈا پور کے ناقابل ضمانت ورارنٹ گرفتاری جاری کردیے۔ علی امین گنڈا پورنے ڈی آئی خان میں پریس کانفرنس کے دوران چیف جسٹس پشاور ہائی کورٹ پرالزامات لگائے تھے جس پر جسٹس پشاور چیف جسٹس نے سوموٹوایکشن لیا تھا،سماعت کے دوران آمین اللہ گنڈہ پورعدالت میں موجود نہیں تھے جس پر عدالت نے وارنٹ گرفتاری جاری کردیئے۔قبل ازیں پاکستان تحریک انصاف کے رہنما علی امین گنڈا پور کے خلاف غیر قانونی طور پر اسلحہ

اور شراب رکھنے کا مقدمہ درج کرلیا گیا ہے۔پاکستان تحریک انصاف کے رہنما اور خیبر پختونخواہ کے وزیر روینیو علی امین گنڈا پور کی گاڑی سے غیر قانونی اسلحہ اور شراب کی بوتل برآمد ہونے پر تھانہ بار کہو میں مقدمہ درج کرلیا گیا ٗ علی امین گنڈا پور کے خلاف درج مقدمے میں ناجائز اسلحہ اور دفعہ 144 کی خلاف ورزی سمیت شراب کی بوتل برآمد ہونے پر 3/4 حد کی دفعہ بھی شامل کی گئی ہے۔واضح رہے کہ گزشتہ روز اسلام آباد پولیس نے دعویٰ کیا تھا کہ پاکستان تحریک انصاف کے رہنما اور خیبرپختونخوا حکومت کے وزیرریونیو علی امین گنڈا پور کی گاڑی سے اسلحہ ، بلٹ پروف جیکٹس اورشراب کی بوتل بھی برآمد ہوئی تھیں ٗ

علی امین گنڈا پورموقع سے فرار ہوگئے تھے۔اسلا آباد ہائی کورٹ میں شہر بند کرنے کے خلاف درخواستوں کی سماعت کے دوران سرکاری وکیل نے بتا یا کہ تحریک انصاف کے رہنما پولیس کو تنقید کا نشانہ بناتے ہیں اور پی ٹی آئی کارکن پولیس پر پتھراؤ کرتے ہیں ۔انہوں نے کہاکہ گزشتہ روز تحریک انصاف کے ساڑھے چار سو کارکن علی امین گنڈا پور کی رہنمائی میں اسلام آباد داخل ہوئے ۔اس موقع پر پولیس نے جب علی امین گنڈا پور کی گاڑی کی تلاشی لی تو اس میں سے شراب کی بوتل اور اسلحہ برآمد ہواجس پر علی امین گنڈا پور موقع سے فرار ہو گئے اور بعد میں انہوں نے شراب کی بوتل کو شہد قرار دیدیا ۔اس پر ریمارکس دیتے ہوئے جسٹس شوکت عزیز نے کہا کہ آپ بوتل کی بات نہ کریں ،سرکاری گاڑیوں میں بھی شراب کی بہت بوتلیں جاتی ہیں ۔نجی ٹی وی کے مطابق انہوں نے طنزیہ انداز میں کہا کہ سردیاں آرہی ہیں ٗ مہر بانی کریں ایک بلیک لیبل شہد کی بوتل کا بندو بست کریں ۔

موضوعات:امین اللہ گنڈہ پور ہائی کورٹ