بھارت سے خیرکی توقع رکھنا حماقت ہوگی،عبدالقادر بلوچ

  جمعہ‬‮ 17 جولائی‬‮ 2015  |  15:38

کراچی (نیوزڈیسک)مسلم لیگ ن کے رہنما و وفاقی وزیر عبدالقادر بلوچ نے کہا ہے کہ پاکستان کی انڈیا سے خیر کی توقع حماقت ہوگی،نریندر مودی پاکستان کو برداشت کرنے کیلئے تیار نہیں، نواز شریف سے ملاقات میں مودی کی نیک نیتی نظر نہیں آتی۔ پیپلز پارٹی کے رہنما فرحت اللہ بابر نے کہا کہ کسی رویت ہلال کمیٹی کی کوئی ضرورت نہیں ہے، چاند دیکھنے کی گواہی کہیں سے بھی آئے اسے ماننا چاہئے۔ تحریک انصاف کے رہنما شہریار آفریدی نے کہا کہ رینجرز کی کارروائیوں سے صرف ایم کیو ایم اور پیپلز پارٹی کو تکلیف ہے، رینجرز پہلے عدالتوں


سے مجرموں کو سزا دلوائے اس کے بعد پریس کانفرنس کرے۔وفاقی وزیرعبدالقادربلوچ ایک نجی ٹی وی کے پروگرا م میں گفتگوکررہے تھے ۔ فرحت اللہ بابرنے کہا کہ پاکستان اور بھارت میں کچھ عناصر دونوں ممالک کے تعلقات بہتر نہیں دیکھنا چاہتے۔شہریار آفریدی نے کہا کہ پاکستان ڈپلومیسی انڈیا کے مقابلے میں ناکام ہوگئی ہے، انڈین مداخلت کا معاملہ عالمی فورمز پر اٹھانا ہوگا۔وفاقی وزیر عبدالقادر بلوچ نے کہا کہ پاکستان کی انڈیا سے خیر کی توقع کرنا حماقت ہوگی، نریندر مودی پاکستان کو برداشت کرنے کیلئے تیار نہیں ہیں، انڈیا پاکستان کے ساتھ معاملات طاقت کے ذریعے طے کرنا چاہتا ہے، اگر پاکستان تنازعات پرا نڈیا کی مرضی کے حل قبول کرلے تو بھی انڈیا ہم سے دوستی نہیں کرے گا، نواز شریف سے ملاقات میں مودی کی نیک نیتی نظر نہیں آتی

loading...