پی ٹی آئی کے سیف اللہ ابڑو سینٹ الیکشن لڑ سکیں گے یا نہیں؟ سپریم کورٹ نے درخواست پر فیصلہ سنا دیا

  منگل‬‮ 2 مارچ‬‮ 2021  |  10:32

اسلام آباد(آن لائن)سپریم کورٹ نے سندھ سے پی ٹی آئی کے سیف اللہ ابڑو کو سینیٹ انتخابات لڑنے کی اجازت دیدی ہے۔ عدالت عظمیٰ نے درخواست گزار کو الیکشن کے بعد متعلقہ فورم سے رجوع کرنے کی ہدایت کرتے ہوئے سندھ ہائی کورٹ کے فیصلے کیخلاف دائر اپیل نمٹا دی ہے۔اپیل پر سماعت چیف جسٹس گلزار احمد کی کی سربراہی میں تین رکنی بنچ نے کی۔شاہد علی رند نے سیف اللہ ابڑو کی نااہلی کیلئے اپیل دائر کی ۔سیف اللہ ابڑو سندھ سے ٹیکنوکریٹ نشست پر پی ٹی آئی کے امیدوار ہیں۔سیف اللہ ابڑو پر ٹیکنوکریٹ کی سیٹ پر پورا


نہ اترنے کا الزام تھا، دوسری جانب وفاقی وزیر برائے سائنس و ٹیکنالوجی فواد چوہدری نے کہا ہے کہ اپوزیشن سینٹ انتخابات کیلئے ایک ہاری ہوئی جنگ میں توانائیاں لگا رہی ہے ، 24 گھنٹوں بعد اپوزیشن کا رونا دھونا شروع ہو جائے گا۔ سماجی رابطوں کی ویب سائٹ ٹوئٹر پر اپنے ایک ٹوئٹر پیغام میں وفاقی وزیر کا کہناتھا کہ 24 گھنٹے بعد اپوزیشن والے نئی کہانی ڈھونڈیں گے کہ ٹی وی اسکرین آباد رہ سکے۔وفاقی وزیر نے کہا کہ اپوزیشن کی نابالغ سیاست روزانہ کی بنیادوں پر ترتیب پاتی ہے، اپوزیشن کے پاس نہ کوئی حکمت عملی ہے نہ پالیسی، اپوزیشن سینیٹ انتخابات کے لئے ہاری ہوئی جنگ میں توانائیاں لگا رہی ہے ،سینیٹ الیکشن کی انتخابی مہم ختم ہوگئی ہے ،قومی اور صوبائی ممبران اسمبلی کل سینیٹرز کا چناؤ کریں گے ۔


موضوعات:

زیرو پوائنٹ

راﺅنڈ اباﺅٹ

اندر کمار گجرال بھارت کے 12 ویں وزیراعظم تھے‘ یہ 1997ءاور 1998ءکے درمیان ایک سال وزیراعظم رہے‘ اٹل بہاری واجپائی ان کے بعد وزیراعظم بنے تھے‘ گجرال جہلم میں پیدا ہوئے تھے‘ ان کی ساری تعلیم جہلم اور لاہور کی تھی اور یہ دل سے پاکستان اور بھارت کے تعلقات بہتر دیکھنا چاہتے تھے‘ میاں نواز شریف کے ....مزید پڑھئے‎

اندر کمار گجرال بھارت کے 12 ویں وزیراعظم تھے‘ یہ 1997ءاور 1998ءکے درمیان ایک سال وزیراعظم رہے‘ اٹل بہاری واجپائی ان کے بعد وزیراعظم بنے تھے‘ گجرال جہلم میں پیدا ہوئے تھے‘ ان کی ساری تعلیم جہلم اور لاہور کی تھی اور یہ دل سے پاکستان اور بھارت کے تعلقات بہتر دیکھنا چاہتے تھے‘ میاں نواز شریف کے ....مزید پڑھئے‎