اسلام آباد (مانیٹرنگ ڈیسک) سابق وزیراعظم میاں نواز شریف کو کل تک بیرون ملک جانے کی اجازت مل جائے گی، یہ بات وفاقی وزیر ریلوے شیخ رشید احمد نے کہی، انہوں نے کہا کہ شہباز شریف بھی میاں نواز شریف کے ساتھ لندن جائیں گے، انہوں نے کہا کہ میاں نواز شریف کی درخواست کو نیب کلیئر کرے گا، شیخ رشید احمد نے کہا کہ ڈاکٹر عدنان اور جنید صفدر بھی میاں نواز شریف کے ساتھ بیرون ملک جائیں گے، میاں نواز شریف اتوار یا پیر کو
بیرون ملک روانہ ہو جائیں گے، مریم نواز ان کے ہمراہ نہیں جائیں گی، شیخ رشید احمد نے کہا کہ قطر والوں نے گزشتہ منگل کو آنے کی اجازت مانگی تھی۔انہوں نے مزید کہاکہ نواز شریف اور آصف زرداری کو فضل الرحمان کی دعائیں لگی ہیں، دوسری جانب خاندانی ذرائع کے مطابق میاں نواز شریف کو کمرشل یا خصوصی طیارے پر لے جانے پر مشاورت بھی ہوئی ہے جبکہ پارٹی ذرائع کا کہنا ہے کہ میاں نواز شریف اتوار کو لندن جا رہے ہیں۔
