اسلام آباد (آئی این پی )وزیردفاع خواجہ محمد آصف نے کہا ہے کہ کل بھوشن کی سزا ہمارے خلاف سازش کرنیوالوں کیلئے وارننگ ہے ،ایسی کارروائیوں میں ملوث افراد سے ریاست آہنی ہاتھ سے نمٹے گی، بھارت سے تعلقات خوشگوار اور آئیڈیل نہیں ، بھارتی حکومت پاکستان کے خلاف ریاستی دہشت گردی کر رہی ہے ،بھارت عالمی سطح پر معاملہ لے گیا تو پاکستان بھرپور دفاع کرے گا۔پیر کو نجی ٹی وی چینل سے گفتگو کرتے ہوئے

خواجہ محمد آصف نے کہا کہ ملک کو غیر مستحکم کرنیوالے دشمنوں سے رعایت نہیں برتی جائے گی ، قانون کی پوری فورس دشمنوں کے خلاف حرکت میں آئے گی۔انہوں نے کہا کہ کلبھوشن نے پاکستان میں کارروائیوں کا اعتراف کیا ہے ، کل بھوشن کی سزا ہمارے خلاف سازش کرنیوالوں کیلئے وارننگ ہے ، بھارت سے تعلقات خوشگوار اور آئیڈیل نہیں ، بھارتی حکومت پاکستان کے خلاف ریاستی دہشت گردی کر رہی ہے۔

موضوعات:کلبھوشن