نیویارک (آن لائن)کورونا وائرس کی وبا کے تناظر میں اقوام متحدہ کی جنرل اسمبلی نے سلامتی کونسل کے نئے ارکان کے انتخابات کے لیے ووٹنگ کا نیا طریقہ متعارف کروایا ہے۔ غیر ملکی خبر رساں ادارے کے مطابق بتایا گیا ہے کہ اس کی وجہ بڑے اجتماع سے بچنا ہے۔جنرل اسمبلی، سلامتی کونسل کے لیے پانچ غیرمستقل ارکان کو اگلے دو برس کے لیے منتخب کرے گی۔ اس کے علاوہ 193 رکنی جنرل اسمبلی 54 ریاستی اقتصادی اور سماجی کونسل کی تین سالہ مدت کے لیے 18 ارکان کا انتخاب بھی کرے گی۔ سلامتی کونسل کے ارکان کے لیے انتخاب
17 جون کو طے ہے۔