اسلام آباد (نیوز ڈیسک)بین الاقوامی اور ملکی صرافہ مارکیٹوں میں سونے کی قیمتوں میں ایک بار پھر نمایاں کمی دیکھنے میں آئی ہے۔

نجی ٹی وی چینل کے مطابق عالمی سطح پر قیمتیں کم ہونے کے اثرات پاکستان کی مقامی مارکیٹ پر بھی پڑے، جس کے باعث سونا اور چاندی دونوں سستے ہوگئے۔آل پاکستان صرافہ جیمز اینڈ جیولرز ایسوسی ایشن کا کہنا ہے کہ عالمی منڈی میں نرخ گرنے کے نتیجے میں ملک میں فی تولہ سونے کی قیمت میں 9 ہزار روپے کی واضح کمی ہوئی، جس کے بعد نئی قیمت 5 لاکھ 14 ہزار 762 روپے مقرر ہوگئی۔ اسی طرح 10 گرام سونے کی قیمت 7 ہزار 716 روپے کم ہوکر 4 لاکھ 41 ہزار 325 روپے رہ گئی۔دوسری جانب عالمی مارکیٹ میں بھی سونا 130 ڈالر فی اونس سستا ہوا اور قیمت 5010 ڈالر سے گھٹ کر 4879 ڈالر فی اونس کی سطح تک آ گئی۔