اسلام آباد (نیوز ڈ یسک) محکمہ موسمیات نے امکان ظاہر کیا ہے کہ رمضان المبارک کا آغاز 19 فروری سے ہو سکتا ہے۔

ادارے کے مطابق 18 فروری کی شام رمضان کا چاند نظر آنے کی توقع ہے، جو کہ 29 شعبان 1447 ہجری بروز بدھ بنتی ہے۔ماہرین فلکیات کا کہنا ہے کہ چاند کی پیدائش 17 فروری کو شام 5 بج کر ایک منٹ پر ہوگی، جبکہ اگلے روز غروبِ آفتاب کے وقت اس کی عمر تقریباً 25 گھنٹے 48 منٹ سے زیادہ ہو جائے گی، جو رویت کے لیے موزوں سمجھی جاتی ہے۔ساحلی علاقوں میں سورج ڈوبنے اور چاند غروب ہونے کے درمیان قریباً 59 منٹ کا وقفہ متوقع ہے، اس لیے وہاں چاند دیکھنا نسبتاً آسان ہوگا۔ ملک کے بیشتر علاقوں میں موسم صاف رہنے کا امکان ہے، جو رویتِ ہلال کے لیے موافق حالات فراہم کرے گا۔