اسلام آباد (نیوز ڈیسک) جہلم میں گزشتہ شب معروف مذہبی اسکالر انجینئر محمد علی مرزا پر ان کی اکیڈمی کے اندر حملے کا واقعہ پیش آیا۔
پولیس حکام کے مطابق واقعہ اس وقت پیش آیا جب وہ درس مکمل کرنے کے بعد شرکاء کے ساتھ تصاویر بنوا رہے تھے۔ حملہ آور نے اچانک نعرہ لگاتے ہوئے ان پر جھپٹنے کی کوشش کی، تاہم اسکالر محفوظ رہے اور ملزم کو فوری طور پر قابو کر لیا گیا۔پولیس کا کہنا ہے کہ گرفتار شخص کا تعلق ایبٹ آباد سے بتایا جا رہا ہے اور ابتدائی معلومات کے مطابق وہ مبینہ طور پر ایک کالعدم تنظیم سے وابستہ ہے۔واقعے کا مقدمہ تھانہ سٹی جہلم میں درج کر لیا گیا ہے۔ مدعی کے بیان کے مطابق ملزم نے دونوں ہاتھوں سے گلا دبانے کی کوشش کی، جسے موقع پر موجود افراد نے پکڑ کر پولیس کے حوالے کر دیا۔
