اسلام آباد (نیوز ڈیسک) عالمی اور مقامی سطح پر حالیہ تیزی کے بعد سونے کی قیمتوں میں کمی کا رجحان سامنے آیا ہے۔
جیولرز کے مطابق بین الاقوامی مارکیٹ میں نرخ کم ہونے کے اثرات پاکستان میں بھی ظاہر ہوئے، جہاں فی تولہ سونے کی قیمت میں 3200 روپے کی کمی ریکارڈ کی گئی۔ اس کمی کے بعد ملک میں فی تولہ سونا 523,762 روپے پر آگیا، جبکہ 10 گرام سونے کی قیمت 2743 روپے گھٹ کر 449,041 روپے رہ گئی۔
عالمی منڈی میں بھی سونے کی قیمت 32 ڈالر کم ہو کر 5010 ڈالر فی اونس ہوگئی ہے۔
ادھر چاندی کی قیمت میں بھی ایک دن کے اضافے کے بعد کمی دیکھنے میں آئی، اور فی تولہ چاندی 55 روپے سستی ہو کر 8164 روپے کی سطح پر آگئی۔
