اسلام آباد (نیوز ڈیسک)محکمہ موسمیات نے ملک کے جنوبی علاقوں میں پیر سے تیز ہواؤں اور گرج چمک کے ساتھ بارش کی پیش گوئی کردی ہے۔

محکمہ موسمیات کےمطابق 16 فروری کو مغربی ہواؤں کا سلسلہ ملک میں داخل ہونےکا امکان ہے،پیر کی شام اور منگل کو بلوچستان کے مختلف علاقوں میں بارش کا امکان ہے۔ منگل کو کراچی سمیت سندھ کے مختلف علاقوں میں بھی بارش ہوسکتی ہے،پیر اور منگل کے روز وزیرستان،بنوں اور ڈی آئی خان میں بھی بارش متوقع ہے۔جبکہ 17 فروری کو جنوبی پنجاب کے مختلف علاقوں میں بھی بارش کا امکان ہے،شمالی بلوچستان،ڈی آئی خان اور ڈی جی خان میں ژالہ باری بھی ہوسکتی ہے