نئی دہلی(آن لائن ) آل انڈیا مسلم پرسنل لا بورڈ نے با بری مسجدکے بدلے متبا دلہ جگہ دینے کی حکو متی پیشکش کو مسترد کر تے ہو ئے کہا ہے کہ مودی ہمیں بابری مسجد کی زمین کے بدلہ تاج محل جیسی جگہ بھی دے تو ہمیں ہر گز قبول نہیں جبکہ سنی وقف بورڈ پر زور دیا ہے کہ وہ اس اراضی کو مسترد کرے جس کو اترپردیش حکومت نے ایودھیا ٹائٹل سوٹ میں سپریم کورٹ کے فیصلے کے حصے کے طور پر ایک مسجد کے لئے مختص کیا ہے۔

مسلم پرسنل لاء￿ بورڈ کے سینئر ممبر کمال فاروقی نے بتایا کہ ‘‘ہمیں پانچ ایکڑ اراضی کو قبول نہیں کرنا چاہئے خواہ وہ تاج محل کے مقام پر پیش کی جائے۔’’یوگی آدتیہ ناتھ حکومت نے بدھ کو سپریم کورٹ کے 9 نومبر کے حکم کے مطابق لکھنؤ-ایودھیا شاہراہ پر واقع دھنی پور گاؤں میں بابری مسجد کی جگہ سے تقریبا 25 کلومیٹر دور پانچ ایکڑ اراضی الاٹ کی تھی۔یہاں تک کہ اگر اس کمپلیکس کے اندر ہی زمین دی جاتی تو وہ بھی ہمیں قابل قبول نہیں ہوتی۔لیکن بات یہ ہے کہ کسی مسجد کے مقام کو روکنے یا تبادلہ نہیں کیا جاسکتا۔ فاروقی نے کہا کہ سنی وقف بورڈ کو بھی اس زمین کو مسترد کرنا چاہئے۔ بورڈ کے رکن عاملہ مولانا یاسین عثمانی نے کہا کہ سنی وقف بورڈ پوری مسلم کمیونٹی کا نمائندہ نہیں ہے۔ اگر یہ سرزمین حاصل کرلیتا ہے تو اسے ملک کے مسلمانوں کے فیصلے پر غور نہیں کرنا چاہئے۔دہلی اسمبلی انتخابات سے محض تین دن قبل اے آئی ایم آئی ایم کے سربراہ اسدالدین اویسی نے بھی اس اعلان کے وقت پر سوالات اٹھائے ہیں۔ اویسی نے کہا ، ‘‘مسلم برادری نے 5 ایکڑ اراضی کی پیش کش کو متفقہ طور پر مسترد کردیا ہے اور سنی وقف بورڈ کو بھی یہی کام کرنا چاہئے۔

موضوعات:آل انڈیا مسلم پرسنل لا بورڈ