بغداد(  آن لائن)عراقی دارالحکومت بغداد پر کئے گئے امریکی میزائل حملوں نے ہر چیز تباہ کردی۔لاشوں کے ٹکڑے ٹکڑے ہوگئے جبکہ کئی گاڑیاں بھی تباہ ہوگئیں۔اس تباہی میں لاشوں کی شناخت ایک مشکل مرحلہ تھی تاہم ایرانی جنرل کو ان کے ہاتھ میں موجود انگوٹھی کی مدد سے پہچاناگیا۔امریکی میڈیا کے مطابق حملے سے ہر طرف تباہی پھیل گئی،جنرل قاسم سلیمانی کا جسم بھی میزائل حملے میں

ٹکڑوں میں تبدیل ہوگیا۔ایک سینئر عراقی سیاست دان نے بتایا کہ جنرل سلیمانی کی لاش کو ان کی پہنی ہوئی انگوٹھی کی مدد سے پہچانا گیا۔جنرل سلیمانی کی انگوٹھی کی تصاویر سوشل میڈیا پر بھی وائرل ہوگئی ہیں۔  غیر ملکی میڈیا کے مطابق عراق پاپولرموبیلائزیشن فورسز کے دو عہدیداروں نے بتایاہے کہ حملے میں جنرل قاسم سلیمانی کے جسم کے ٹکڑے ہوگئے جبکہ المہندس کی لاش نہیں ملی۔

موضوعات:جنرل قاسم سلیمانی