نیویارک(این این آئی)اقوام متحدہ کے سیکرٹری جنرل انتونیو گوٹریس نے کہاہے کہ پاکستان اوربھارت کشیدگی کے خاتمے کے لیے مذاکرات کریں،دونوں فریق اگر مصالحت کے لیے تیار ہیں توسیکریٹری جنرل اقوام متحدہ کا آفس دستیاب ہے، پاکستانی حکام کی جانب سے بھارتی پائلٹ کی رہائی کے اقدام کا خیر مقدم کرتے ہیں،غیرملکی خبررساں ادارے کے مطابق ایک بیان میں سیکریٹری جنرل اقوام متحدہ نے پاکستان

اوربھارت کے درمیان کشیدگی کے خاتمے کے لیے دونوں ممالک کو مثبت اقدامات کے فروغ پر زور دیا ۔انہوں نے کہاکہ پاکستانی حکام کی جانب سے بھارتی پائلٹ کی رہائی کے اقدام کا خیر مقدم کرتے ہیں۔دونوں فریق اگر مصالحت کے لیے تیار ہیں توسیکریٹری جنرل اقوام متحدہ کا آفس دستیاب ہے۔انہوں نے مزید کہا کہ بھارتی پائلٹ کی رہائی کا خیرمقدم کرتا ہوں۔واضح رہے کہ پاکستان نے جذبہ خیر سگالی سے سرشار ہو کرگرفتار بھارتی پائلٹ ابھی نندن کو گذشتہ روز واہگہ بارڈر پر بھارتی حکام کے حوالے کردیاتھا۔

موضوعات:اقوام متحدہ