امریکی صدرکے دورہ لندن کا خیرمقدم کریں گے،برطانوی وزیراعظم

  ہفتہ‬‮ 13 جنوری‬‮ 2018  |  12:05

لندن(این این آئی)برطانوی وزیراعظم تھریسا مے کے ترجمان نے کہا ہے کہ ان کی حکومت امریکی صدر کے دورہ لندن کا خیر مقدم کرے گی۔غیرملکی خبررساں ادارے کے مطابق امریکی صدر نے برطانیہ کے دورے کی دعوت قبول کی تھی اور وہ آئندہ ماہ لندن میں نئے امریکی سفارت خانے کی افتتاحی تقریب میں شرکت کے لیے آنا چاہتے تھے مگر انہوں نے بہ وجوہ اپنا دورہ منسوخ کردیا ہے۔ترجمان نے کہا کہ ان کیحکومت کی جانب سے ٹرمپ کو لندن دورے کی دعوت میں توسیع کی جائے گی اور توقع ہے کہ امریکی صدر اس دعوت کو قبول کریں

گے۔ انہوں نے کہا کہ امریکی صدر کب برطانیہ آئیں گے، اس کی تاریخ کا اعلان نہیں کیا گیا۔ایک سوال کے جواب میں برطانوی عہدیدار کا کہنا تھا امریکا اور برطانیہ ایک دوسرے کے گہرے دوست اور حلیف ہیں اور دونوں ملکوں کی باہمی شراکت کو مزید گہرائی تک پہنچایا جائے گا۔قبل ازیں امریکی صدر ڈونلڈ ٹرمپ نے جمعرات کو ایک بیان میں کہا تھا کہ وہ آئندہ مہینے برطانیہ کے سرکاری دورے نہیں جا رہے ہیں۔امریکی صدر کی طرف سے یہ فیصلہ اپنے خلاف برطانیہ میں ممکنہ احتجاجی مظاہروں کے تناظرمیں کیا گیا ہے۔

موضوعات:

آج کی سب سے زیادہ پڑھی جانے والی خبریں