اسلام آباد(مانیٹرنگ ڈیسک)سابق بھارتی کپتان مہندرا سنگھ دھونی کا دورہ مقبوضہ کشمیر، کشمیریوں نوجوانوں نے جیوے جیوے پاکستان، ہم کیا چاہتے ہیں آزادی، بوم بوم آفریدی کے نعرے لگا کر استقبال کیا۔ تفصیلات کے مطابق سابق بھارتی پتان مہندرا سنگھ دھونی کے دورہ مقبوضہ کشمیر کے دوران بھارتی فوج اور کٹھ پتلی انتظامیہ کو اس وقت شدید شرمندگی کا سامنا کرنا پڑا جب بھارتی قابض فوج

کے کڑے پہرے میں مہندرا سنگھ دھونی کو نوجوانوں کے سامنے لایا گیا۔ اس موقع پر کشمیری نوجوانوں کے جیوے جیوے پاکستان ، ہم کیا چاہتے ہیں آزادی، بوم بوم آفریدی کے نعروں سے سٹیڈیم گونج اٹھا۔ مہندرا سنگھ دھونی بھارتی فوج کی وردی میں ملبوس تھے تاہم کشمیری نوجوانوں کے شدید نعروں کی وجہ سے بھارتی فوج نے مہندرا سنگھ دھونی کو فوری طور پر سٹیڈیم سے باہر نکال لیا۔

موضوعات:مقبوضہ کشمیر مہندرا سنگھ دھونی