نئی دہلی (آئی این پی )بھارت میں افریقی نژاد طلبا پر مسلسل حملے ، ہجوم کے ہاتھوں تشدد کا نشانہ بننے والا ایک سیاہ فام طالب علم اسپتال میں سسک سسک کر جان کی بازی ہار گیا ، نائیجیریا کی وزارت خارجہ نے نائیجریا میں تعینات بھارتی ہائی کمشن کو طلب کر کے شدید احتجاج کیا ہے۔غیر ملکی میڈیا کے مطابق بھارت کی راجدھانی سے متصل علاقے نوئیڈا کے ایک شاپنگ مال میں افریقی نژاد طالب علم کو صرف اس لیے ہجوم

کے قہر کا سامنا کرنا پڑا کیونکہ اسکی رنگت سیاہ ہے۔ ذات پات اور چھو چھات میں بٹے بھارت میں کسی پر حملہ کر دینا عام سی بات ہے ،صرف ایک ہفتے کے دوران بھارت میں ہجوم کے ہاتھوں بہیمانہ تشدد کا نشانہ بننے والے سیاہ فام طالب علموں کی تعداد 9 رپورٹ ہوئی ہے ۔ بھارت میں زیر تعلیم سیاہ فام طلبا دہشت زدہ ہیں اور کچھ تو اپنے ملک واپس جانے کو تیار ہیں ، طالب علموں کا کہنا ہے کہ بھارتی ان سے نفرت کرتے ہیں

موضوعات:بھارت