نئی دہلی( مانیٹرنگ ڈیسک ) بھارتی فضائیہ کی طرف سے پاکستانی شاہینوں کی نقل کرنے میں ناکام رہنے کی اصل وجہ سامنے آگئی ۔بھارتی جنگی جنون کے پیش نظرپاک فضائیہ نے گزشتہ ماہ ملک بھرمیں جنگی مشقیں کی تھیں جن میں موٹرویز پر ہنگامی لینڈنگ بھی شامل تھیں، بھارتی فضائیہ نے بھی پاک بحریہ کی نقل کرتے ہوئے اسی قسم کی مشقوں کا انعقاد کیا۔

اس سلسلے میں 300 کلو میٹر سے زائد طویل آگرہ لکھنو ہائی وے کا انتخاب کیا گیا۔غیر ملکی میڈیا کے مطابق بھارتی فضائیہ نے شاہینوں کی نقل کرنے کی کوشش کی تو کی لیکن اب انہیں کون سمجھائے کہ شاہینوں اورکرگس میں بہت فرق ہوتا ہے۔ سامان حرب تو ہرملک کے پاس ہوتا ہے لیکن عزم ، حوصلہ اور ہمت کسی بازار سے خریدی نہیں جاسکتی۔ نام نہاد سورماؤں نے طیارے کے پچھلے ٹائر تو سٹرک پر لگا دیے لیکن بھارتی فضائیہ کے کم ہمت پائلٹوں نے ٹائر پھٹنے کے خوف سے لینڈنگ کا خطرہ مول ہی نہیں لیااوریوں پاکستانی شاہینوں کامقابلہ کرنے کا بھارتی خواب شرمندہ تعبیرنہ ہوسکا۔

موضوعات:بھارتی فضائیہ پاک فضائی