نئی دہلی(آئی این پی ) معروف مسلم اسکالر ڈاکٹر ذاکر نائیک کی تنظیم اسلامی ریسرچ فاونڈیشنکے خلاف بھارتی حکومت کا کریک ڈاون جاری،بھارت نے ذاکر نائیک کی گرفتاری کے لیے انٹرپول سے رابطے کا فیصلہ کرلیا۔ بھارتی میڈیا کے مطابق معروف مسلم اسکالر ڈاکٹر ذاکر نائیک کی تنظیم اسلامی ریسرچ فاونڈیشنپر پابندی اور ان کے ادارے کی ویب سائٹ بند کرنے کے باوجود حکام کا غصہ ختم نہیں ہو

بلکہ اسلامک ریسرچ فاؤنڈیشن کے خلاف بھارتی حکومت کا کریک ڈاون جاری ہے، اب حکام نے فیصلہ کیا ہے کہ تنظیم کے سماجی رابطے کی ویب سائٹس پر موجود مواد پر پابندی کے لیے امریکی حکام سے رابطہ کیا جائے گا۔ اس کے علاوہ بھارتی نیشنل سیکیورٹی ایجنسی ذاکر نائیک کے خلاف انٹر پول سے ریڈ کارنر نوٹس بھی لینے کی کوشش کرے گی۔واضح رہے

کہ بھارتی حکومت نے ذاکر نائیک کی تنظیم ’اسلامک ریسرچ فاؤنڈیشن‘ پر پانچ سال کے لیے پابندی عائد کردی ہے۔ اس سے قبل بنگلا دیش کی حکومت نے بھی اپنے ملک میں تنظیم کے زیر انتظام چلنے ولاے ’پیس ٹی وی‘ کی نشریات پر پابندی عائد کر دی تھی۔ اس پابندی کے بارے میں بنگلہ دیش کی حکومت کا کہنا تھا کہ ڈھاکا میں ایک کیفے پر حملہ کرنے والے ذاکر نائیک سے متاثر تھے۔

موضوعات:بنگلہ دیش بھارت ڈاکٹر ذاکر نائیک