نئی دہلی(مانیٹرنگ ڈیسک)بھارتی فوج کے سربراہ جنرل دلبیر سنگھ آج چین کے چارروزہ دورہ پربیجنگ پہنچیں گے اوران کایہ دورہ خیرسگالی ہے اوربھارتی جنرل پیپلز لیبریشن آرمی کے مشرقی کمانڈ کا دورہ کر یںگے جبکہ وہ چین کے طاقتور مرکز سینٹرل ملٹری کمیشن کے وائس چیئرمین سے ملاقات بھی کریں گے ۔تفصیلات کے مطابق چینی صدر کی جانب سے فوج میں

رواں سال اصلاحات کے اقدامات اٹھائے جائے جانے کے بعد لبیر سنگھ کی قیادت میں بھارتی فوج کے دیگر آفیسر پر مشتمل وفد آج چین کے دورے پر پہنچے گا۔انڈین آرمی چیف کے دورہ چین پربھارتی میڈیانے بھی اپناپراناوطیرہ اپنالیاہے اوربھارتی میڈیانے کہاہے کہ بھارتی آرمی چیف چین کے مشرقی کمانڈ کے دورے کے ساتھ ساتھ اعلیٰ آرمی کمانڈ کالج کا دورہ بھی کریں گے۔

بھارتی میڈیا کی رپورٹ کے مطابق بھارتی فوج کے سربراہ کی جانب سے چین کا یہ دورہ دونوں ممالک کے درمیان عسکری تعلقات میں بہتری کیلئے کوئی بڑا بریک تھرو نہیں لاسکے گا ۔بھارتی میڈیا کا کہناہے کہ مختلف تنازعات کو پیچھے رکھتے ہوئے بھارتی آرمی چیف کے دورہ کا مقصدچین کو مثبت پیغام دیناہےاوربھارت سی پیک کے بارے میں اپنے تحفظات چین تک پہنچائے گا۔

موضوعات:بھارتی آرمی چیف چین