اسلام آباد(مانیٹرنگ ڈیسک)سمندری طوفان میتھیو فلوریڈا میں تباہی مچانے کے بعد ریاست جنوبی کیرولائنا سے ٹکراگیا، جہاں مختلف حادثات میں10 افراد ہلاک ہوگئے ہیں۔ ہیٹی میں طوفان سے ہلاکتوں کی تعداد 900 سے بڑھ گئی ہے۔امریکی میڈیا کے مطابق ریاست جنوبی کیرولائنا میں سمندری طوفان کے باعث سیلابی صورت حال کا سامنا ہے، جبکہ متعدد علاقوں میں بجلی کی فراہمی معطل ہے۔ امریکی حکام کے مطابق طوفان کے نتیجے میں اب تک 10 افراد ہلاک ہوئے ہیں۔طوفان کے بعد لاکھوں افراد کو محفوظ مقامات پر منتقل کیا گیاہے۔ امریکی محکمہ موسمیات کے مطابق طوفان کا زور جلدختم ہوجائے گا۔ ہیٹی میں حکام نے طوفان سے 900 کے قریب افراد کی ہلاکت کی تصدیق کر دی ہے۔ زیادہ تر ہلاکتیں ہیٹی کے جنوب مشرقی ساحل کے قریبی علاقوں میں ہوئی ،جہاں میتھیو بھرپورشدت کے ساتھ ٹکرایا تھا

موضوعات:امریکہ طوفان