کابل (این این آئی)سی پیک پر پیشرفت کے ساتھ ہی بھارت نے پاکستان مخالف سرگرمیوں میں اضافہ کر دیا ہے ۔گزشتہ روز افغانستان میں کھلے عام پاکستان کے خلاف ایک تقریب کا انعقاد کیا گیا جس میں کھلم کھلا پاکستان کو توڑنے کی کوشش کے طورپر آزاد بلوچستان کے جھنڈے لگائے گئے تھے تقریب میں بھارت اور افغانستان کے خفیہ اداروں کے لوگ بھی شریک تھے ۔اس موقع پر شرکاء میں فری بلوچستان مومنٹ کے “کی چین ” (چابی بند)تحفے کے طور پرتقسیم کئے گئے اور آزاد بلوچستان کے جھنڈے کیساتھ شرکاء شان سے تصویریں بنواتے اورسیلفیاں لیتے رہے۔ ذرائع کے مطابق وہ افغانی پشتون ہیں جن کے شناختی کارڈ مبینہ طورپر بلوچستان کے قوم پرست رہنما نے بنوائے تھے اور نادرا کو خط بھی لکھا تھا ۔