اسلام آباد (مانیٹرنگ ڈیسک )ایک شخص نے دوران پرواز طیارے کا دروازہ کھول دیا ، متعدد مسافر بے ہوش ہو گئے ۔ تفصیلات کے مطابق ایشیانا ائیر لائنز کی ایک پرواز کے دوران ایک مسافر نے طیارے کے اترنے سے قبل ایمرجنسی ڈور کھول دیا۔

طیارہ جنوبی کوریا کے شہر ڈائے گو میں لینڈکرنے والا تھا جبکہ ایک مسافر نے اٹھ کر دروازہ کھول دیا جس سے ہوا کے پریشر طیارے کے اندر بڑھ گیا ، مسافروں کو دہشت زدہ کر دیا اور انہوں نے اپنی نشستوں کو پکڑ لیا۔یہ واقع اس وقت پیش آیا جب طیار ہ زمین سے صرف 250میٹر اوپر تھا ایسے میں 30سالہ شخص نے دروازہ کھول کر مسافروں کو سانسیں ہی روک دیں پریشر کے باعث مسافروں سے سانس لینا محال ہو گیا جس کے بعد کچھ مسافر بے ہو ش ہو گئے جبکہ کچھ نے اپنی سیٹوں کو خوف کی حالت میں سختی سے پکڑا ہوا ہے ۔ نجی ٹی وی جیو نیوز کے مطابق خوش قسمتی سے دروازہ کھلنے کے باوجود طیارہ بحفاظت اتر گیا اور اس پر سوار 194 مسافر محفوظ رہے۔دروازہ کھولنے والے شخص کو پولیس نے حراست میں لے لیا اور حکام کے مطابق ملزم نے یہ نہیں بتایا کہ اس نے ایسا کیوں کیا۔طیارے میں سوار ایک 44 سالہ شخص نے بتایا کہ دروازے کے قریب موجود افراد بہت زیادہ دہشت زدہ ہوگئے تھے اور وہ ایک، ایک کرکے بے ہوش ہونے لگے۔اس کا کہنا تھا کہ ‘مجھے لگا کہ طیارہ پھٹنے والا ہے اور میں مرنے والا ہوں۔