اسلام آباد(مانیٹرنگ ڈیسک) اگر کچھ کھاتے ہوئے کسی کے گلے میں کچھ پھنس جائے تو کیا کرنا چاہئے ،آئیے آج ہم آپ کو اس حوالے سے کچھ ٹپس دیتے ہیں ۔ کھانسنے کی کوشش کریں:اگر آپ کھانس سکتے ہیں یا کسی قسم کی آواز نکال سکتے ہیں تو یہ اچھی خبر ہے کیونکہ اس کا مطلب ہے کہ سانس کی نالی مکمل بلاک نہیں ہوئی، تو آپ پوری قوت سے کھانسنے کی کوشش کریں۔

جیسے بلغم تھوکتے ہوئے کرتے ہیں۔ خیال رہے کہ اس دوران پانی پینے سے گریز کریں کیونکہ اس سے معاملہ بدتر بھی ہوسکتا ہے۔ پیٹ دبائیں: اگر آس پاس کوئی نہ ہو تو اپنے ایک ہاتھ کی مٹھی بنائیں اور اسے ناف پر اس طرح رکھیں کہ کہنیاں پسلیوں سے ٹکرائے، اس کے بعد دوسرا ہاتھ اس کے اوپر رکھیں اور جتنی قوت سے ہوسکتا ہے دبائیں، اس سے جو دباﺅ پیدا ہوگا وہ پھیھپڑوں میں موجود ہوا کو کمپریس کرے گا اور اسے باہر نکالے گا، جس سے پھنسی ہوئی غذا اپنی جگہ سے ہٹ جائے گی۔ کرسی سے مدد لیں: اگر اوپر والا طریقہ کارآمد ثابت نہ ہو تو اپنے ہاتھ اسی پوزیشن میں رکھیں اور کرسی کے پیچھے کھڑے ہوکر ہاتھوں اور پیٹ کو اس کے اوپری حصے پر ٹکا کر زیادہ طاقت سے ہاتھوں کو دھکا دیں، جس سے اتنا دباﺅ ہوگا جو ہوا کو باہر کی جانب نکالے گا، جس سے پھنسی ہوئی غذا بھی نکل آئے گی۔ فرش پر گرجائیں: گھٹنوں کے بل زمین پر بیٹھے جائے اور اپنے ہاتھوں کو زمین پر ٹکا دیں۔ اس کے بعد تیزی سے اپنے ہاتھوں کو اوپر اٹھالیں اور پیٹ کے بل زور سے فرش پر گرجائیں، سینے کے لگنے سے تیز جھٹکا ہوا کی بڑی مقدار پھیپھڑوں میں پہنچانے میں کامیاب ہوسکے  گاجبکہ اس کے ساتھ دم گھونٹنے کا سبب بننے والی چیز کو بھی نکال دے گا۔اگر ان میں سے کوئی بھی طریقہ کام نہ آئے تو فوراًسے پہلے ڈاکٹر سے رجوع کریں۔

موضوعات:دم گھٹنا