14سال شوہر کی خدمت کی ، بدلے میں اس نے مجھے دھوکہ دیا،شبنم مجید کا خلع سے متعلق اہم اعلان

  اتوار‬‮ 9 فروری‬‮ 2020  |  16:03

لاہور( این این آئی)گلوکارہ شبنم مجید نے کہا ہے کہ ابھی خلع کیلئے باقاعدہ درخواست دائر نہیں کی اورخاندان میں مشاورت کے بعد اس حوالے سے فیصلہ کروں گی، میںنے اپنے خاوند کی پہلی بیوی سے بچوں کا مستقبل سنوارا جبکہ میرے بچوں کا مستقبل دائو پرلگا دیا گیا۔ خصوصی گفتگو کرتے ہوئے شبنم مجید نے کہا کہ میںنے زندگی کے 14سال اپنے شوہر کی خدمت کی اور اس کے بدلے میں اس نے مجھے دھوکہ دیا ، اس سے زیادہ دکھ اور تکلیف کی بات یہ ہے کہاس نے مجھے فریب میں رکھا اور میرے ہوتے ہوئے طلاق یافتہ


بیوی سے بھی تعلقات رکھے ۔ انہوں نے کہا کہ جب میرے شوہر نے پہلی بیوی کو طلاق دیدی تھی تو میںنے اپنی اکیڈمی میں اس کے بچوں کوتربیت دی اور ان کا مستقبل سنوارا مگراس نے میرے بچوںکا مستقبل دائو پرلگا دیا ۔ انہوںنے ایک سوال کے جواب میں کہا کہ ابھی خلع کے لئے درخواست دائر نہیں کی اورخاندانی مشاورت کے بعد اس بارے فیصلہ کروں گی ابھی میں شدید صدمے سے دوچار ہوں۔‎

موضوعات: