ممبئی (شوبز ڈیسک) بالی وڈ اداکارہ جھانوی کپور اپنی ماں سری دیوی کے مجسمے کے افتتاح کے لئے سوئٹزر لینڈ روانہ ہو گئیں۔بھارتی میڈیا کے مطابق سوئٹزر لینڈکا سیاحتی بورڈ آنجہانی اداکارہ سری دیوی کے فلم ’’چاندنی‘‘ میں چھٹیاں گزارنے کے لئے سوئٹزر لینڈ کو سیاحت کے لئے بہترین ملک اور جگہ ہونے کی

پروموشن کرنے پر ان کا مجسمہ بنا کر انہیں اعزاز پیش کریگا۔ اداکارہ جھانوی کپور معروف ڈیزائنر منیش ملہوترا کے ساتھ مجسمے کے افتتاح کیلئے سوئٹزر لینڈ روانہ ہو گئیں۔ واضح رہے کہ فلمساز یش چوپڑا کے بعد آنجہانی اداکارہ سری دیوی دوسری بالی وڈ شخصیت ہیں جن کا مجسمہ سوئزرلینڈ میں رکھا جائے گا۔

موضوعات:جھانوی کپور