برسلز(این این آئی)یورپی یونین نے کہاہے کہ تجارت میں کشیدگی عالمی ترقی کو خطرے میں ڈال رہی ہے۔ آئندہ جی ٹوئنٹی سمٹ میں ورلڈ ٹریڈ آرگنائزیشن میں تیزی سے اصلاحات لانے کا مطالبہ بھی پیش کریں گے،یادرہے کہ یورپی یونین کے رکن ممالک کے وزرائے خزانہ اس دستاویز کو حتمی شکل دینے کے لیے چھ اپریل بروز ہفتہ ملاقات کر رہے ہیں۔غیرملکی خبررساں ادارے کے مطابق
یورپی یونین کی تیار کردہ ایک دستاویز میں بتایاگیاکہ یونین جی ٹوئنٹی ممالک کو اس حوالے سے خبردار کرے گی۔ یورپی یونین آئندہ جی ٹوئنٹی ممالک کے وزرائے خزانہ کی سمٹ کے دوران ورلڈ ٹریڈ آرگنائزیشن میں تیزی سے اصلاحات لانے کا مطالبہ بھی پیش کرے گی۔ یورپی یونین کے رکن ممالک کے وزرائے خزانہ اس دستاویز کو حتمی شکل دینے کے لیے چھ اپریل بروز ہفتہ ملاقات کر رہے ہیں۔
