اسلام آباد( این این آئی) فیڈرل بورڈ آف ریونیو نے ٹیکس گوشوارے جمع نہ کرانے والوں کیلئے بینکوں میں رقوم کی منتقلی پر 0.4فیصد تک کم کیا گیا ودہولڈنگ ٹیکس وصول کرنے کی تاریخ میں 30ستمبر سے 31دسمبر تک توسیع کردی ۔یہ فیصلہ وزیرخزانہ اسحق ڈار کی زیر صدارت ایک اجلاس میں کیا گیا۔ایف بی آر کے چیئرمین نے وزیر خزانہ کو بتایا کہ وصول

کردہ ٹیکس گوشواروں کی تعداد میں گزشتہ سال کے مقابلے میں اضافہ ہوا ہے۔ اجلاس میں ٹیکس وصولی ، ٹیکس گوشوارے جمع کرانے اور فیڈرل بورڈ آف ریونیو کی آگہی مہم میں پیشرفت کا جائزہ بھی لیاگیا۔وفاقی وزیر نے آگہی مہم کو کامیاب بنانے کے سلسلے میں ایف بی آر کی کوششوں کو سراہا جس کے نتیجے میں ٹیکس دہندگان کی تعداد میں اضافہ ہوا ہے۔

موضوعات:فیڈرل بورڈ آف ریونیو