کراچی (این این آئی)اسٹیٹ بینک کے اقدامات کے سبب اوپن مارکیٹ میں ڈالر تین ہفتوں میں 1 روپے سستا ہوکر 107 روپے 80 پیسے پر آگیا ۔ایکسچینج کرنسی ایسوسی ایشن کے جنرل سیکریٹری ظفر پراچہ کے مطابق اسٹیٹ بینک نے گزشتہ 3 ہفتوں میں اوپن مارکیٹ میں 5 کروڑ امریکی ڈالر کی سپلائی کی ہے، جس کی وجہ سے روپے کی قدر میں اضافہ دیکھا جارہا ہے ۔

اوپن مارکیٹ میں دو روز میں ڈالر 50 پیسے سستاہوکر 107 روپے 80 پیسے پر آگیا ہے، جبکہ تین ہفتوں میں ڈالر 1 روپے 10 پیسے سستا ہوچکا ہے ۔اوپن مارکیٹ میں یورو 50 پیسے سستاہوکر 115 روپے اور برطانوی پاونڈ بھی 50 پیسے کمی سے 135 روپے میں فروخت کیا جارہا ہے