ممبئی(نیوز ڈیسک)معروف بھارتی فلمساز مدھر بھنڈارکر کا شمار ان فلمسازوں میں کیا جاتا ہے جو معاشرے میں پائی جانے والی برائیوں کو اپنی فلموں میں اجاگر کرنے کی کو شش کرتے ہیں۔مدھر بھنڈارکر کی طرف سے فیشن کی دنیا کے تاریک پہلو و¿ں کو اجاگر کرنے کے بعد آنکھوں کو خیر ہ کر دینے والی بولی ووڈ کی جگمگاتی دنیا پر راج کرنے والے ہیروز کی بیگمات کی زندگی کی کہانی فلمبند کرنے کا اعلان کیا گیا ہے۔نیشنل ایوارڈ یافتہ فلمساز کی جانب سے اپنی نئی فلم ”بولی ووڈ وائیوز“ کے متعلق اعلان مائیکرو بلاگنگ سائٹ ٹویٹر پر کیا گیا۔علا وہ ازیں مدھر بھنڈارکر نے ٹویٹر پر رتیش سدھوانی اور فرحا ن اخترکا انکے پروجیکٹ میں مدد کیلئے شکریہ بھی ادا کیا۔واضح رہے فلمساز نے اپنی فلم کا اعلان اس وقت کیا جب بولی ووڈ کی بیشتر جوڑیا ں طویل عرصے تک ایک ساتھ رہنے کے بعد الگ ہو نے لگی ہیں۔رواں سال اداکار فرحان اختر اور انکی اہلیہ ادھونا کے درمیان علیحدگی ہوئی۔ دریں اثناءاب اداکار ارباز خان اور ملائیکہ اروڑا خان کی علیحدگی کی خبریں سامنے آرہی ہیں۔ یاد رہے مدھر بھنڈارکر اس سے قبل ”چاندنی بار“، ”پیج 3“، ”ٹریفک سگنل“، ”ہیروئن“، ”فیشن“ اور کیلنڈر گرل جیسی شاندار فلمیں تخلیق کر چکے ہیں۔