ریاض(این این آئی)سعودی عرب کے ایک نوجوان اپنے ملک میں صحت کے شعبے میں ایک رضا کار کے طور پر خدمات انجام دینے کے ساتھ اردو سمیت چھ غیر ملکی زبانیں بھی سیکھ لی ہیں اورکہا ہے کہ زبانیں سیکھنے کا مقصد حجاج کرم اور بیت اللہ کی زیارت کے لیے آنے والے

مسلمانوں کی مدد اور ان کی خدمت کرنا ہے۔رضا کار ٹیم کے رکن محمد بخش نے عرب ٹی وی سے بات کرتے ہوئے کہا کہ میں سعودی الیکٹرانک یونیورسٹی شعبہ صحت عامہ میں زیر تعلیم ہوں۔ میں 6 زبانیں بولتا سکتا ہوں۔ یہ زبانیں میں نے ا پنی تعلیم کے دوران حاصل کی ہیں۔ میں گذشتہ کئی سال سے سعودی عرب میں آنے والے حجاج کرام اور عمرہ زائرین سے ملاقاتوں کے دوران سیکھی ہیں۔ اب میں عربی زبان کے ساتھ ساتھ انگریزی، اردو، انڈونیشین اور بنگلہ بول سکتا ہوں جب کہ اب میں فرانسیسی زبان سیکھ رہا ہوں۔محمد بخش نے کہا کہ میں جو رضاکارانہ صحت کے شعبے میں خدمات انجام دے رہا ہوں ان میں بلند فشار بلڈ پریشرچیک کرنا، وزن کرنا، اونچائی کی پیمائش کے علاوہ خون کی اقسام کی نشاندہی کرنا، کمیونٹی کے افراد کو احتیاطی تدابیر کے بارے میں آگاہی دینا، ابتدائی طبی امداد کی تربیت دینا شامل ہے۔