لاہور (این این آئی)ڈی جی فوڈ اتھارٹی رفاقت علی نسوآنہ کی سربراہی میں کوٹ لکھپت فیکٹر ی ایریا میں کارروائی کرتے ہوئے مضر صحت اشیا قبضے میں لے لی گئی۔کوٹ لکھپت فیکٹر ی ایریا میں کارروائی فوڈ اتھارٹی کی کارروائی میں کیڑے،سسری زدہ مکئی کے
دانوں اورناقص آئل کی بھاری مقداربرآمد کرلی گئی۔ڈی جی فوڈ اتھارٹی رفاقت علی نسوآنہ نے بتایا کہ زنگ آلود، بدبودارمشینری اورپھپھوندی زدہ اجزا کے استعمال سے کارن پاپس تیارکیے جارہے تھے۔ڈی جی فوڈاتھارٹی نے مزید بتایا کہ سنیکس یونٹ کو متعدد بارقوانین کی خلاف ورزیوں پر اصلاحی نوٹسز اورجرمانے بھی عائد کیے جا چکے ہیں۔انہوںنے بتایا کہ پروڈکشن ایریا میں غیر معیاری اسٹوریج،حشرات کی بھرمار،گندا اور بدبودارماحول پایا گیا۔پنجاب فوڈ اتھارٹی نے قوانین کی خلاف ورزی کرنے والوں کے خلاف مقدمات بھی درج کروائے ہیں۔رفاقت علی نسوآنہ کا یہ بھی کہنا تھا کہ بچوں کی اشیا میں مضر صحت اجزا کا استعمال پیٹ اور معدے سمیت متعددبیماریوں کا سبب بنتاہے۔
