آکلینڈ(این این آئی)نیوزی لینڈ میں ڈاکٹر نے ایک شخص کے کان میں تین دن سے موجود لال بیگ کو زندہ حالت میں نکال لیا۔غیرملکی خبررساں ادارے کے مطابق نیوزی لینڈ کے شہر آکلینڈ سے تعلق رکھنے والے زان ویڈنگ کچھ دنوں سے پریشان تھے کیوں کہ ان کا ایک کان بند ہوگیا تھا،
انہیں لگا کہ میل یا پانی چلے جانے کی وجہ سے ایسا ہوا ہے۔ زان کا یہ خیال اس وقت خوفناک خیال میں بدل گیا جب انہیں کان کے اندر کسی جاندار کی حرکت محسوس ہوئی۔زان نے فورا ڈاکٹر سے رجوع کیا۔ ڈاکٹر نے کان کا مختصر معائنہ کرنے کے بعد بتایا کہ پانی چلے جانے کی وجہ سے کان بند ہوا ہے، تجویز کردہ ادویات استعمال کریں۔ڈاکٹر کے نسخے کے مطابق ادویات استعمال کرنے کے باوجود زان کے کان میں کسی جاندار کی حرکت محسوس ہوتی رہی۔ انہوں نے کان کے ماہر ڈاکٹر سے رجوع کیا۔زان ویڈنگ اس وقت اچھل کر خوف کی حالت میں کرسی پر چڑھ گئے جب ڈاکٹر نے انہیں بتایا کہ کان میں ایک زندہ لال بیگ موجود ہے۔زان ویڈنگ نے کان سے برآمد ہونے والے زندہ لالگ بیگ کی تصویر اپنے فیس بک اکائونٹ سے شیئر کردی جہاں ان کے دوستوں نے دلچسپ تبصرے بھی کیے۔
